Fan for Various Spaces (DF-36)

Freskuese për ambiente të ndryshme (DF-36)

Freskuese për ambiente të ndryshme: Kjo freskuese është një zgjidhje ideale për vapën në ditët e nxehta të verës. Ajo vjen me përmasa 112 cm lartësi dhe diametër 26 cm, dimensione jo të mëdha, duke bërë që të mos zërë shumë hapësirë gjatë përdorimit. Freskuesja përdor tension 220V, fuqi 60W dhe ka frekuencë 50Hz. Ka një kabllo fuqizimi 1 metër dhe spinë modeli amerikan, për prizat tona kërkohet një adaptor.

Instalim i thjeshtë dhe i shpejtë: Freskuesja vjen e çmontuar në paketim. Montimi i saj është shumë i thjeshtë dhe nuk kërkon mjete të veçanta për të. Në paketim ka një aromatizues për ti dhënë një aromë të këndshme ajrit të ambientit ku do ta përdorni, dhe ky aromatizues vendoset shumë lehtë në pjesën e zgarës përpara. Helikat e freskueses janë shumë të lehta për tu pastruar, si dhe gjatë periudhës që nuk e përdorni mund ta çmontoni dhe nuk do tju zërë shumë hapësirë në magazinim.

Funksionalitete të ndryshme: Në paketim do të ketë edhe një pult për komandimin e freskueses nga distanca. Në trup të freskueses ka edhe një panel kontrolli dhe ekran. Freskuesja vjen me funksionalitete të ndryshme, si ON/OFF, ndryshimin e shpejtësisë së helikave (ka 3 nivele shpejtësie), ka modalitete të ndryshme për rrymën e ajrit. Gjithashtu freskuesja ofron mundësi të lëvizjes së helikave të saj majtas-djathtas, poshtë-lart, si dhe ofron mundësi për fikje automatike duke vendosur ju minutazhin. Freskuesja ka të integruar edhe drita LED për ti dhënë një pamje pak më ndryshe.